manlove

Monday, February 19, 2007

來一杯蘇打綠



好似好耐未試過咁迷一樣野.

通常都是無心的發現之下,然後先至不斷搵呀搵呀搵,起佢底,跟住就迷左落去,同愛情差唔多囉!!!!

因為一個綠色single既封面,舊年10月(呢次後知候覺左添)0係阿麥度買左,跟住都無乜機會聽,一聽就愛上左,<空氣中的視覺與幻覺>2個版本,都有種奇妙感覺,每晚都聽過先安樂.


台灣的蘇打綠,我之後發現左更多......主音既青峰,佢0個把超高音既聲,其實可以好作狀同難頂,但偏偏就有法子令你忍唔住聽落去. 0係youtube既發現係,佢專扮女人聲,試過0係騷度現場唱王菲<開到荼糜>(仲要拎埋大聲公) ,唱過<棋子>,0係K場同朋友慶祝生日,佢唱左陳綺貞首<雨天的尾巴>改為<生日的尾巴>,同樣有晒造手喎..........

如果,如過換轉係香港的假音人,我會好反感囉 !!! 但係聽見穌打綠咁樣唱歌,唔知點解一D反感都無喎.......加上各成員都係政大高才生,吉他手家凱仲係政大泳隊既大紅人,又加左分咯.

最衰係舊年WILD DAY OUT錯過左佢地來港既演出,唔知幾時先有機會呢?? 青峰唱LIVE真係好得喎!!

1 Comments:

At 11:04 AM, Blogger terence (chi) said...

高音唱「每隻螞蟻...」,你同我有得出賣啦,我覺得我唱得好d,仲有王菲摸天手勢襯埋。

 

Post a Comment

<< Home