manlove

Monday, February 19, 2007

烈女圖






當G奶不厭其煩地抄厘抄路,梁靜茹又肯定不是我杯茶,張惠妹只能回憶,孫燕姿靜過鬼,S.H.E更加唔好提....台灣天后官仲有幾多值得等,值得聽?

商業大路的不說,連陳綺貞都只樂於沉醉自家手作仔,你急佢唔急既地步,另一個陳,珊妮,只掛住拜金事業,仲有乜好講呢?

這篇遲來的碟評,好在仲有楊乃文同雷光夏.

我有興趣既係,楊乃文既愛情故事,佢同林暐哲散左,事業愛情都無埋,本來才子配烈女,無林就無楊,無左男人,睇過報導話楊乃文都好似有段抑鬱期....
01年出過<應該>之後就無左影,加上滾石(魔岩文化)生意難撈,楊乃文幾乎人間蒸發.


5年先出山,好在有邱黎寬(寬姐)執佢返黎,簽左佢.重新出發,做了一張精彩的回歸作<<女爵>> ,亦合晒我心意,點題作係蘇打綠主音青峰作曲作詞的<女爵>.好好FEEL喎,可能青峰都想做呢! 呵呵!!!

都2007年了,烈女都是上世紀的事.記得楊乃文頭一次來港宣傳,98年,我訪問過佢,仲係幫阿米巴做秘撈添....烈女有格,抽要抽紅萬(那刻我想起我崇拜的伊慧能,伊當年在壹周刊辦公室,也是抽紅萬的),「薄荷不好抽,像吃風一樣」 楊乃文說. 烈是烈,但我仍記得她人很有禮貌,令我更覺她的所謂烈,更加不是扮出來的!!! 唔係要咀藐藐懶cool先叫烈,楊乃文同伊慧能都是我心目中真正有修養的烈女啊!

P.S. 其實寬姐都係烈女喎,每個記者都說次次見親佢,都係聽佢爆緊粗既,不過義氣仔女,就係鐘意幫呢個救個0個,傳聞話好多無工開既人都會搵寬姐,不是傳聞既係,佢養埋陳寶蓮個仔喇!! 仲有你又點諗到,平時粗口爛舌,又可以幫王菲寫出<推翻>同<空城>呢又?!

2 Comments:

At 10:51 AM, Blogger chi said...

烈女和串可能一線之差,那次你在銅鑼灣撞到珊妮姐,追住在她後面打招呼,她哦一聲就算,都幾串,可能烈女都唔識同人social啦。我心目中的烈女是黃碧雲,除了朗讀會時扮野d,真人好nice呀。

 
At 5:47 PM, Blogger man_love said...

多謝你既提醒呀i am chi ,我用"烈女圖" 為題,都竟然講漏左大師姐碧雲,真係罪過!!

 

Post a Comment

<< Home